Vieiros

As eleccións europeas celebraranse o día 13 de Xuño conxuntamente coas municipais. Lendoiro negouse a comentar se esta oferta podía ser unha compensación por non designalo candidato á presidencia da Deputación, cargo que actualmente ostenta.

Hai uns días Lendoiro manifestou que se sentía como un "porteiro ó que o seu propio defensa central lle marca un gol a propósito en propia meta".

As alternativas que se lle presentarían poderían ser un posto importante nas eleccións europeas, ou ben, pero a medio prazo, a súa inclusión na lista popular ás próximas eleccións xerais.

Aínda que estes rumores proveñen do mesmo partido, ninguén confirmou oficialmente ningún destes.

Lendoiro afirmou despois de non ser nomeado candidato á Deputación que "vai pensar o papel que desexa exercer no partido, con tranquilidade e co meu grupo de traballo, pero non descarto ningunha posibilidade".

Roberto Catoira