O parlamento de Portugal aproba o Acordo Ortográfico
O protocolo abre a posibilidade de adhesión de Timor-Leste, que en 1990 -data da norma- aínda non era un Estado soberano.
A modificación do Acordo entrará en vigor en 2014
O parlamento de Portugal aprobou este venres, cos votos favorábeis de PS, PSD, Bloco de Esquerda e sete deputados do CDS, o Segundo Protocolo do Acordo Ortográfico. Un parlamentario do PS, dous do PP e unha non adscrita, Luísa Mesquita (ex do PCP) ,votaron en contra, informa Público.
PCP, PEV e tres deputados do CDS-PP abstivéronse. Ademais, outros tres do PSD abandonaron o hemiciclo antes da votación. Unha destes, Zita Seabra, alegou un "conflito de intereses" xa que é editora. Tamén se ausentaron da cámara un representante do PS e o deputado do Movimento Partido da Terra (MPT), Pedro Quartin Graça, electo polas listas do PSD.
O protocolo, que entrará en vigor en 2014, abre a posibilidade de adhesión da República Democrática de Timor-Leste, que a data do Acordo (1990) aínda non era un Estado soberano.
Ligazóns
Novas relacionadas
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto